ab na koi manzil hai aur na rahguzar koi
jaane qafila bhaTke ab kahan kahan yaro

Himayat Ali Shayar

---

---

apne kisi amal pe nadamat nahin mujhe
tha nek-dil bahut jo gunahgar mujh mein tha

Himayat Ali Shayar

---

---

adan pe pairahan-e-KHak ke siwa kya hai
mere alaw mein ab rakh ke siwa kya hai

Himayat Ali Shayar

---

---

hum bhi hain kisi kahf ke ashab ke manind
aisa na ho jab aankh khule waqt guzar jae

Himayat Ali Shayar

---

---

har qadam par nit-nae sanche mein Dhal jate hain log
dekhte hi dekhte kitne badal jate hain log

Himayat Ali Shayar

---

---

har taraf ek muhib sannaTa
dil dhaDakta to hai magar KHamosh

Himayat Ali Shayar

---

---

iman bhi laj rakh na saka mere jhuT ki
apne KHuda pe kitna mujhe e'timad tha

Himayat Ali Shayar

---

---

is dasht pe ehsan na kar ai abr-e-rawan aur
jab aag ho nam-KHurda to uThta hai dhuan au

Himayat Ali Shayar

---

---

is dasht-e-suKHan mein koi kya phul khilae
chamki jo zara dhup to jalne lage sae

Himayat Ali Shayar

---

---