aaya bhi koi dil mein gaya bhi koi dil se
aana nazar aaya na ye jaana nazar aaya

Hijr Nazim Ali Khan

---

---

ai hijr waqt Tal nahin sakta hai maut ka
lekin ye dekhna hai ki miTTi kahan ki hai

Hijr Nazim Ali Khan

---

---

aks se apne wo yun kahte hain aaine mein
aap achchhe hain magar aap se achchha main hun

Hijr Nazim Ali Khan

---

---

hazar ranj hain ab ye bhi ek zamana hai
koi malal na tha wo bhi ek zamana tha

Hijr Nazim Ali Khan

---

---

kabhi ye fikr ki wo yaad kyun karenge hamein
kabhi KHayal ki KHat ka jawab aaega

Hijr Nazim Ali Khan

---

---

kahegi hashr ke din us ki rahmat-e-be-had
ki be-gunah se achchha gunah-gar raha

Hijr Nazim Ali Khan

---

---

kuchh KHabar hai tujhe o chain se sone wale
raat bhar kaun teri yaad mein bedar raha

Hijr Nazim Ali Khan

---

---

kya rashk hai ki ek ka hai ek muddai
tum dil mein ho to dard hamare jigar mein hai

Hijr Nazim Ali Khan

---

---

mujhe wo yaad karte hain ye kah kar
KHuda baKHshe nihayat ba-wafa tha

Hijr Nazim Ali Khan

---

---