ab kahe jao fasane meri gharqabi ke
mauj-e-tufan ko mere haq mein tha sahil hona

Heera Lal Falak Dehlvi

---

---

ai sham-e-gham ki gahri KHamoshi tujhe salam
kanon mein ek aai hai aawaz dur ki

Heera Lal Falak Dehlvi

---

---

apna ghar phir apna ghar hai apne ghar ki baat kya
ghair ke gulshan se sau darja bhala apna qafas

Heera Lal Falak Dehlvi

---

---

charag-e-ilm raushan-dil hai tera
andhera kar diya hai raushni ne

Heera Lal Falak Dehlvi

---

---

dekhunga kis qadar teri rahmat mein josh hai
parwardigar mujh ko gunahon ka hosh hai

i will see to what extent your mercy is sublime
my lord I am aware of the nature of my crime

Heera Lal Falak Dehlvi

---

---

haal bimar ka puchho to shifa milti hai
yani ek kalma-e-pursish bhi dawa hota hai

Heera Lal Falak Dehlvi

---

---

hum to manzil ke talabgar the lekin manzil
aage baDhti hai gai rahguzar ki surat

Heera Lal Falak Dehlvi

---

---

kya baat hai nazron se andhera nahin jata
kuchh baat na kar li ho shab-e-gham ne sahar se

Heera Lal Falak Dehlvi

---

---

log andaza lagaenge amal se mere
main hun kaisa mere mathe pe ye tahrir nahin

Heera Lal Falak Dehlvi

---

---