mera KHat paDh liya us ne magar ye to bata qasid
nazar aai jabin par bund bhi koi pasine ki
Heera Lal Falak Dehlvi
maqam-e-barq jise aasman bhi kahte hain
irada ab hai wahan apna ghar banane ka
Heera Lal Falak Dehlvi
ab kahe jao fasane meri gharqabi ke
mauj-e-tufan ko mere haq mein tha sahil hona
Heera Lal Falak Dehlvi
main ne anjam se pahle na palaT kar dekha
dur tak sath mere manzil-e-aghaz gai
Heera Lal Falak Dehlvi
log andaza lagaenge amal se mere
main hun kaisa mere mathe pe ye tahrir nahin
Heera Lal Falak Dehlvi
kya baat hai nazron se andhera nahin jata
kuchh baat na kar li ho shab-e-gham ne sahar se
Heera Lal Falak Dehlvi
hum to manzil ke talabgar the lekin manzil
aage baDhti hai gai rahguzar ki surat
Heera Lal Falak Dehlvi
haal bimar ka puchho to shifa milti hai
yani ek kalma-e-pursish bhi dawa hota hai
Heera Lal Falak Dehlvi
dekhunga kis qadar teri rahmat mein josh hai
parwardigar mujh ko gunahon ka hosh hai
i will see to what extent your mercy is sublime
my lord I am aware of the nature of my crime
Heera Lal Falak Dehlvi