aankhon se isi tarah agar sail rawan hai
duniya mein koi ghar na raha hai na rahega

Gulam Yahya Huzur Azimabadi

---

---

aazurda kuchh hain shayad warna huzur mujh se
kyun munh phula raha hai wo gul-ezar apna

Gulam Yahya Huzur Azimabadi

---

---

abas ghar se apne nikale hai tu
bhala hum tujhe chhoD kar jaenge

Gulam Yahya Huzur Azimabadi

---

---

ada ko teri mera ji jaanta hai
harif apna har koi pahchanta hai

Gulam Yahya Huzur Azimabadi

---

---

ai bahr na tu itna umanD chal mere aage
ro ro ke Duba dunga kabhi aa gai gar mauj

Gulam Yahya Huzur Azimabadi

---

---

aur rabt jise kufr se hai yani barahman
kahta hai ki hargiz mera zunnar na TuTe

Gulam Yahya Huzur Azimabadi

---

---

ahaar is dhum se aai gai ummid jine ki
gareban phaT chuka kui dam mein ab naubat hi sine ki

Gulam Yahya Huzur Azimabadi

---

---

dekhna zor hi ganTha hai dil-e-yar se dil
sang-o-shishe ko kiya hai main hunar se paiwand

Gulam Yahya Huzur Azimabadi

---

---

din o duniya ka jo nahin paband
wo faraghat tamam rakhta hai

Gulam Yahya Huzur Azimabadi

---

---