jo ji chahe hai dekhun mah-e-nau kahta hai dil mera
idhar kya dekhta hai abru-e-KHamdar ke bande

Gulam Yahya Huzur Azimabadi

---

---

ishq ne samne hote hi jalaya dil ko
jaise basti ko lagawe hai adu jang mein aag

Gulam Yahya Huzur Azimabadi

---

---

ishq mein KHub nin bahut rona
is se ifsha-e-raaz hota hai

Gulam Yahya Huzur Azimabadi

---

---

ishq mein dard se hai hurmat-e-dil
chashm ko aabru hai aansu se

Gulam Yahya Huzur Azimabadi

---

---

har koi apni fahm-e-naqis mein
puKHta sauda-e-KHam rakhta hai

Gulam Yahya Huzur Azimabadi

---

---

aankhon se isi tarah agar sail rawan hai
duniya mein koi ghar na raha hai na rahega

Gulam Yahya Huzur Azimabadi

---

---

hai afsos ai umr jaane ka tere
ki tu mere pas ek muddat rahi hai

Gulam Yahya Huzur Azimabadi

---

---

haji tu to rah ko bhula manzil ko koi pahunche hai
dil sa qibla chhoD ke tu ne kabe ka ehram kiya

Gulam Yahya Huzur Azimabadi

---

---

gar shaiKH azm-e-manzil-e-haq hai to aa idhar
hai dil ki rah sidhi wa kabe ki rah kaj

Gulam Yahya Huzur Azimabadi

---

---