suna hai amn-paraston ka wo ilaqa hai
wahin shikar kabutar hua to kaise hua

Faragh Rohvi

---

---

mujh mein hai yahi aib ki auron ki tarah main
chehre pe kabhi dusra chehra nahin rakhta

Faragh Rohvi

---

---

na chand ne kiya raushan mujhe na suraj ne
to main jahan mein munawwar hua to kaise hua

Faragh Rohvi

---

---

na jaane kaisa samundar hai ishq ka jis mein
kisi ko dekha nahin Dub ke ubharte hue

Faragh Rohvi

---

---

nafrat ke sansar mein khelen ab ye khel
ek ek insan joD ke ban jaen hum rail

Faragh Rohvi

---

---

usi taraf hai zamana bhi aaj mahw-e-safar
'faragh' main ne jidhar se guzarna chaha tha

Faragh Rohvi

---

---

zara si baat pe kya kya na kho diya main ne
jo tum ne khoya hai us ka shumar tum bhi karo

Faragh Rohvi

---

---

yaro hudud-e-gham se guzarne laga hun main
mujh ko sameT lo ki bikharne laga hun main

Faragh Rohvi

---

---

meri maili hatheli par to bachpan se
gharibi ka khara sona chamakta hai

Faragh Rohvi

---

---