maqsad-e-zist gham-e-ishq hai sahra ho ki shahr
baiTh jaenge jahan chaho biTha do hum ko

Ehsan Danish

---

---

sata lo mujhe zindagi mein sata lo
khulega pas-e-marg ehsan kya tha

Ehsan Danish

---

---

ahta nahin insan to miT jata hai gham bhi
so jaenge ek roz zamin oDh ke hum bhi

Ehsan Danish

---

---

na jaane mohabbat ka anjam kya hai
main ab har tasalli se ghabra raha hun

Ehsan Danish

---

---

marne wale fana bhi parda hai
uTh sake gar to ye hijab uTha

Ehsan Danish

---

---

main hairan hun ki kyun us se hui thi dosti apni
mujhe kaise gawara ho gai thi dushmani apni

Ehsan Danish

---

---

log yun dekh ke hans dete hain
tu mujhe bhul gaya ho jaise

Ehsan Danish

---

---

shorish-e-ishq mein hai husn barabar ka sharik
soch kar jurm-e-tamanna ki saza do hum ko

Ehsan Danish

---

---

main jis raftar se tufan ki jaanib baDhta jata hun
usi raftar se nazdik sahil hota jata hai

Ehsan Danish

---

---