aaj us ne hans ke yun puchha mizaj
umr bhar ke ranj-o-gham yaad aa gae

Ehsan Danish

---

---

hum chaTanen hain koi ret ke sahil to nahi
shauq se shahr-panahon mein laga do hum ko

Ehsan Danish

---

---

hum haqiqat hain to taslim na karne ka sabab
han agar harf-e-ghalat hain to miTa do hum ko

Ehsan Danish

---

---

husn ko duniya ki aankhon se na dekh
apni ek tarz-e-nazar ijad ka

Ehsan Danish

---

---

kaun deta hai mohabbat ko parastish ka maqam
tum ye insaf se socho to dua do hum ko

Ehsan Danish

---

---

KHak se sainkaDon uge KHurshid
hai andhera magar charag-tale

Ehsan Danish

---

---

kis kis ki zaban rokne jaun teri KHatir
kis kis ki tabahi mein tera hath nahin hai

Ehsan Danish

---

---

kise KHabar thi ki ye daur-e-KHud-gharaz ek din
junun se qimat-e-dar-o-rasan chhupaega

Ehsan Danish

---

---

kuchh apne saz-e-nafas ki na qadr ki tu ne
ki is rabab se behtar koi rabab na tha

Ehsan Danish

---

---