nazar kahin hai muKHatab kisi se hain dil mein
jawab kis ko mila hai sawal kis ka tha

Bekhud Dehlvi

---

---

na dekhna kabhi aaina bhul kar dekho
tumhaare husn ka paida jawab kar dega

Bekhud Dehlvi

---

---

nama-bar ye to kahi baat pate ki tu ne
zikr us bazm mein rahta to hai akasr apna

Bekhud Dehlvi

---

---

namak bhar kar mere zaKHmon mein tum kya muskuraate ho
mere zaKHmon ko dekho muskurana is ko kahte hain

Bekhud Dehlvi

---

---

nau-giraftar-e-mohabbat hun wafa mujh mein kahan
kam se kam dil abhi sau bar to aane dije

Bekhud Dehlvi

---

---

qayamat hai teri uThti jawani
ghazab Dhane lagin nichi nigahen

Bekhud Dehlvi

---

---

ah mein baiTha hun main tum sang-e-rah samjho mujhe
aadmi ban jaunga kuchh Thokaren khane ke baad

Bekhud Dehlvi

---

---

na dekhe honge rind-e-la-ubaali tum ne 'beKHud' se
ki aise log ab aankhon se ojhal hote jate hain

Bekhud Dehlvi

---

---

paDhe jao 'beKHud' ghazal par ghazal
wo but ban gae hain sune jaenge

Bekhud Dehlvi

---

---