dil to lete ho magar ye bhi rahe yaad tumhein
jo hamara na hua kab wo tumhaara hoga

Bekhud Dehlvi

---

---

gham mein Dube hi rahe dam na hamara nikla
bahr-e-hasti ka bahut dur kinara nikla

Bekhud Dehlvi

---

---

hamein islam use itna talluq hai abhi baqi
buton se jab bigaDti hai KHuda ko yaad karte hain

Bekhud Dehlvi

---

---

hamein pine se matlab hai jagah ki qaid kya 'beKHud'
usi ka nam jannat rakh diya botal jahan rakh di

Bekhud Dehlvi

---

---

ho liye jis ke ho liye 'beKHud'
yar apna to ye hisab raha

Bekhud Dehlvi

---

---

huron se na hogi ye mudaraat kisi ki
yaad aaegi jannat mein mulaqat kisi ki

Bekhud Dehlvi

---

---

ijazat mangti hai duKHt-e-raz mahfil mein aane ki
maza ho shaiKH-sahib kah uThen be-iKHtiyar aae

Bekhud Dehlvi

---

---

is jabin-e-araq-afshan pe na chuniye afshan
ye sitare kahin mil jaen na sayyaron mein

Bekhud Dehlvi

---

---

jadu hai ya tilism tumhaari zaban mein
tum jhuT kah rahe the mujhe e'tibar tha

Bekhud Dehlvi

---

---