aaina dekh kar wo ye samjhe
mil gaya husn-e-be-misal hamein

Bekhud Dehlvi

---

---

hamein pine se matlab hai jagah ki qaid kya 'beKHud'
usi ka nam jannat rakh diya botal jahan rakh di

Bekhud Dehlvi

---

---

hamein islam use itna talluq hai abhi baqi
buton se jab bigaDti hai KHuda ko yaad karte hain

Bekhud Dehlvi

---

---

gham mein Dube hi rahe dam na hamara nikla
bahr-e-hasti ka bahut dur kinara nikla

Bekhud Dehlvi

---

---

dil to lete ho magar ye bhi rahe yaad tumhein
jo hamara na hua kab wo tumhaara hoga

Bekhud Dehlvi

---

---

dil mohabbat se bhar gaya 'beKHud'
ab kisi par fida nahin hota

Bekhud Dehlvi

---

---

dil mein phir wasl ke arman chale aate hain
mere ruThe hue mehman chale aate hain

Bekhud Dehlvi

---

---

dil hua jaan hui un ki bhala kya qimat
aisi chizon ke kahin dam diye jate hain

Bekhud Dehlvi

---

---