ahut tha KHauf jis ka phir wahi qissa nikal aaya
mere dukh se kisi aawaz ka rishta nikal aaya

Bashar Nawaz

---

---

ghaTti baDhti raushniyon ne mujhe samjha nahin
main kisi patthar kisi diwar ka saya nahin

Bashar Nawaz

---

---

jaane kin rishton ne mujh ko bandh rakkha hai ki main
muddaton se aandhiyon ki zad mein hun bikhra nahin

Bashar Nawaz

---

---

kahte kahte kuchh badal deta hai kyun baaton ka ruKH
kyun KHud apne-ap ke bhi sath wo sachcha nahin

Bashar Nawaz

---

---

koi yaadon se joD le hum ko
hum bhi ek TuTta sa rishta hain

Bashar Nawaz

---

---

pyar ke bandhan KHun ke rishte TuT gae KHwabon ki tarah
jagti aankhen dekh rahi thin kya kya karobar hue

Bashar Nawaz

---

---

tez hawaen aaankhon mein to ret dukhon ki bhar hi gain
jalte lamhe rafta rafta dil ko bhi jhulsaenge

Bashar Nawaz

---

---

tujh mein aur mujh mein talluq hai wahi
hai jo rishta saz aur mizrab mein

Bashar Nawaz

---

---

wahi hai rang magar bu hai kuchh lahu jaisi
ye ab ki fasl mein khilte gulab kaise hain

Bashar Nawaz

---

---