mujhe dushman se apne ishq sa hai
main tanha aadmi ki dosti hun

Baqar Mehdi

---

---

jaane kyun un se milte rahte hain
KHush wo kya honge jab KHafa hi nahin

Baqar Mehdi

---

---

kafiri ishq ka shewa hai magar tere liye
is nae daur mein hum phir se musalman honge

Baqar Mehdi

---

---

kabhi to bhul gae pi ke nam tak un ka
kabhi wo yaad jo aae to phir piya na gaya

Baqar Mehdi

---

---

mere sanam-kade mein kai aur but bhi hain
ek meri zindagi ke tumhin raaz-dan nahin

Baqar Mehdi

---

---

sailab-e-zindagi ke sahaare baDhe chalo
sahil pe rahne walon ka nam-o-nishan nahin

Baqar Mehdi

---

---

ye soch kar teri mahfil se hum chale aae
ki ek bar to baDh jae hausla dil ka

Baqar Mehdi

---

---

ye kis jagah pe qadam ruk gae hain kya kahiye
ki manzilon ke nishan tak miTa ke baiThe hain

Baqar Mehdi

---

---

jaane kin mushkilon se jite hain
kya karen koi mehrban na raha

Baqar Mehdi

---

---