mera chaak-e-gireban chaak-e-dil se milne wala hai
magar ye hadse bhi besh o kam hote hi rahte hain

Aziz Hamid Madni

---

---

shahr jin ke nam se zinda tha wo sab uTh gae
ek ishaare se talab karta hai virana mujhe

Aziz Hamid Madni

---

---

sadiyon mein ja ke banta hai aaKHir mizaj-e-dahr
'madni' koi taghayyur-e-alam hai be-saba

Aziz Hamid Madni

---

---

narmi hawa ki mauj-e-tarab-KHez abhi se hai
ai ham-safir aatish-e-gul tez abhi se hai

Aziz Hamid Madni

---

---

mubham se ek KHwab ki tabir ka hai shauq
nindon mein baadalon ka safar tez abhi se hai

Aziz Hamid Madni

---

---

mahak mein zahr ki ek lahr bhi KHwabida rahti hai
ziden aapas mein Takraati hain farq-e-mar-o-sandal ka

Aziz Hamid Madni

---

---

kuchh ab ke hum bhi kahen us ki dastan-e-visal
magar wo zulf-e-pareshan khule to baat chale

Aziz Hamid Madni

---

---

mana ki zindagi mein hai zid ka bhi ek maqam
tum aadmi ho baat to sun lo KHuda nahin

Aziz Hamid Madni

---

---

subh se chalte chalte aaKHir sham hui aawara-e-dil
ab main kis manzil mein pahuncha ab ghar kitni dur raha

Aziz Hamid Madni

---

---