aaj aaine mein KHud ko dekh kar yaad aa gaya
ek muddat ho gai jis shaKHs ko dekhe hue

Azad Gulati

---

---

aap jis rah-guzar-e-dil se kabhi guzre the
us pe ta-umr kisi ko bhi guzarne na diya

Azad Gulati

---

---

aasman ek sulagta hua sahra hai jahan
DhunDhta phirta hai KHud apna hi saya suraj

Azad Gulati

---

---

apni sari kawishon ko raegan main ne kiya
mere andar jo na tha us ko bayan main ne kiya

Azad Gulati

---

---

dasht-e-zulmat mein ham-rah mere
koi to hai jo jala hai mujh mein

Azad Gulati

---

---

dekhne wale mujhe meri nazar se dekh le
main teri nazron mein hun aur main hi har manzar mein hun

Azad Gulati

---

---

ek wo hain ki jinhen apni KHushi le Dubi
ek hum hain ki jinhen gham ne ubharne na diya

Azad Gulati

---

---

har ek ne dekha mujhe apni apni nazron se
koi to meri nazar se bhi dekhta mujh ko

Azad Gulati

---

---

kis se puchhen raat-bhar apne bhaTakne ka sabab
sab yahan milte hain jaise nind mein jage hue

Azad Gulati

---

---