sameT lo mujhe apni sada ke halqon mein
main KHamushi ki hawa se bikharne wala hun

Azad Gulati

---

---

sameT lata hun moti tumhaari yaadon ke
jo KHalwaton ke samundar mein Dubta hun main

Azad Gulati

---

---

sal-e-nau aata hai to mahfuz kar leta hun main
kuchh purane se calender zehn ki diwar pa

Azad Gulati

---

---

aushni phaili to sab ka rang kala ho gaya
kuchh diye aise jale har-su andhera ho gaya

Azad Gulati

---

---

aaj aaine mein KHud ko dekh kar yaad aa gaya
ek muddat ho gai jis shaKHs ko dekhe hue

Azad Gulati

---

---

main sath le ke chalunga tumhein ai ham-safro
main tum se aage hun lekin Thaharne wala hun

Azad Gulati

---

---

kuchh aise phul bhi guzre hain meri nazron se
jo khil ke bhi na samajh pae zindagi kya hai

Azad Gulati

---

---

kise milti najat 'azad' hasti ke masail se
ki har koi muqayyad aab o gil ke silsilon ka tha

Azad Gulati

---

---

kis se puchhen raat-bhar apne bhaTakne ka sabab
sab yahan milte hain jaise nind mein jage hue

Azad Gulati

---

---