ai jalti ruto gawah rahna
hum nange panw chal rahe hain
Akhtar Hoshiyarpuri
'aKHtar' guzarte lamhon ki aahaT pe yun na chaunk
is matami julus mein ek zindagi bhi hai
Akhtar Hoshiyarpuri
almari mein taswiren rakhta hun
ab bachpan aur buDhapa ek hue
Akhtar Hoshiyarpuri
arha ThiThka hun KHud bhi apna saya dekh kar
log bhi katrae kya kya mujh ko tanha dekh ka
Akhtar Hoshiyarpuri
chaman ke rang-o-bu ne is qadar dhoka diya mujh ko
ki main ne shauq-e-gul-bosi mein kanTon par zaban rakh di
Akhtar Hoshiyarpuri
dekha hai ye parchhain ki duniya mein ki aksar
apne qad-o-qamat se bhi kuchh log baDe hain
Akhtar Hoshiyarpuri
dhup ki garmi se inTen pak gain phal pak gae
ek hamara jism tha aKHtar jo kachcha rah gaya
Akhtar Hoshiyarpuri
guzarte waqt ne kya kya na chaara-sazi ki
wagarna zaKHm jo us ne diya tha kari tha
Akhtar Hoshiyarpuri
hamein KHabar hai koi ham-safar na tha phir bhi
yaqin ki manzilen tai kin guman ke hote hue
Akhtar Hoshiyarpuri