ye kahin umr-e-guzishta to nahin tum to nahin
koi phirta hai sar-e-shahr-e-wafa aawara

Akhtar Hoshiyarpuri

---

---

ye kya ki mujh ko chhupaya hai meri nazron se
kabhi to mujh ko mere samne bhi lae wo

Akhtar Hoshiyarpuri

---

---

ye sarguzisht-e-zamana ye dastan-e-hayat
adhuri baat mein bhi rah gai kami meri

Akhtar Hoshiyarpuri

---

---

zamana apni uryani pe KHun roega kab tak
hamein dekho ki apne aap ko oDhe hue hain

Akhtar Hoshiyarpuri

---

---

zindagi marg-e-talab tark-e-talab 'aKHtar' na thi
phir bhi apne tane-bane mein mujhe uljha gai

Akhtar Hoshiyarpuri

---

---

kachche makan jitne the barish mein bah gae
warna jo mera dukh tha wo dukh umr bhar ka tha

Akhtar Hoshiyarpuri

---

---

'aKHtar' guzarte lamhon ki aahaT pe yun na chaunk
is matami julus mein ek zindagi bhi hai

Akhtar Hoshiyarpuri

---

---

almari mein taswiren rakhta hun
ab bachpan aur buDhapa ek hue

Akhtar Hoshiyarpuri

---

---

arha ThiThka hun KHud bhi apna saya dekh kar
log bhi katrae kya kya mujh ko tanha dekh ka

Akhtar Hoshiyarpuri

---

---