taKHliq KHud kiya tha kal apne mein ek ghar
ab ghar se KHalq chand makin kar rahe hain hum

Ahmad Sagheer Siddiqui

---

---

kisi surat ye nukta-chiniyan kuchh rang to lain
chalo yun hi sahi ab nam to mashhur hai mera

Ahmad Sagheer Siddiqui

---

---

koi taswir bana le ki tujhe yaad rahen
tez chalti hai hawa rang uDe jate hain

Ahmad Sagheer Siddiqui

---

---

kuchh der mein ye dil kisi ginti mein na hoga
betab bahut rae-shumari ke liye hai

Ahmad Sagheer Siddiqui

---

---

parda jo uTha diya gaya hai
kya tha ki chhupa diya gaya hai

Ahmad Sagheer Siddiqui

---

---

sari duniya se alag wahshat-e-dil hai apni
ye ki lagti hai na ghar ki na bayaban wali

Ahmad Sagheer Siddiqui

---

---

sunta hai yahan kaun samajhta hai yahan kaun
ye shaghl-e-suKHan waqt-guzari ke liye hai

Ahmad Sagheer Siddiqui

---

---

ye kya ki aashiqi mein bhi fikr-e-ziyan rahe
daman ka chaak ta-ba-jigar jaana chahiye

Ahmad Sagheer Siddiqui

---

---

zaKHm itne hain badan par ki kahin dard nahin
hum bhi pathraw mein patthar ke hue jate hain

Ahmad Sagheer Siddiqui

---

---