ji-bhar ke sitare jagmagaen
mahtab bujha diya gaya hai

Ahmad Sagheer Siddiqui

---

---

ishq ek mashghala-e-jaan bhi to ho sakta hai
kya zaruri hai ki aazar kiya jae use

Ahmad Sagheer Siddiqui

---

---

is ishq mein na puchho haal-e-dil-e-darida
tum ne suna to hoga wo sher 'mushafi' ka

Ahmad Sagheer Siddiqui

---

---

hum ki ek umr rahe ishwa-e-duniya ke asir
muddaton baad ye kam-zat samajh mein aai

Ahmad Sagheer Siddiqui

---

---

gard ki tarah sar-e-rahguzar baiThe hain
in dinon aur hi andaz-e-safar hai apna

Ahmad Sagheer Siddiqui

---

---

charagh un pe jale the bahut hawa ke KHilaf
bujhe bujhe hain tabhi aaj baam-o-dar mere

Ahmad Sagheer Siddiqui

---

---

chahe hain tamasha mere andar kai mausam
lao koi sahra meri wahshat ke baraba

Ahmad Sagheer Siddiqui

---

---