ajab safar tha ajab-tar musafirat meri
zamin shuru hui aur main tamam hua

Ahmad Javed

---

---

dil se bahar aaj tak hum ne qadam rakkha nahin
dekhne mein zahira lagte hain sailani se hum

Ahmad Javed

---

---

dil-e-betab ke hamrah safar mein rahna
hum ne dekha hi nahin chain se ghar mein rahna

Ahmad Javed

---

---

duniya mere paDos mein aabaad hai magar
meri dua-salam nahin us zalil se

Ahmad Javed

---

---

ek aansu se kami aa jaegi
ghaaliban dariyaon ke iqbaal mein

Ahmad Javed

---

---

ghar aur bayaban mein koi farq nahin hai
lazim hai magar ishq ke aadab mein rahna

Ahmad Javed

---

---

hamesha dil hawas-e-intiqam par rakkha
KHud apna nam bhi dushman ke nam par rakkha

Ahmad Javed

---

---

KHabar nahin hai mere baadshah ko shayad
hazar martaba aazad ye ghulam hua

Ahmad Javed

---

---

mashghul hain safai-o-tausi-e-dil mein hum
tangi na is makan mein ho mehman ko

Ahmad Javed

---

---