mujid jo nur ka hai wo mera charagh hai
parwana hun main anjuman-e-kaenat ka

Agha Hajju Sharaf

---

---

kabhi jo yar ko dekha to KHwab mein dekha
meri murad bhi aai to mustaar aai

Agha Hajju Sharaf

---

---

kaha jo main ne mere dil ki ek taswir khinchwa do
manga kar rakh diya ek shisha chaknachur pahlu mein

Agha Hajju Sharaf

---

---

KHalwat-sara-e-yar mein pahunchega kya koi
wo band-o-bast hai ki hawa ka guzar nahin

Agha Hajju Sharaf

---

---

kya bujhaega mere dil ki lagi wo shola-ru
dauDta hai jo laga ke aag pani ke liye

Agha Hajju Sharaf

---

---

kya KHuda hain jo bulaen to wo aa hi na saken
hum ye kahte hain ki aa jaen to ja hi na saken

Agha Hajju Sharaf

---

---

likkha hai jo taqdir mein hoga wahi ai dil
sharminda na karna mujhe tu dast-e-dua ka

Agha Hajju Sharaf

---

---

shaKH-e-gul jhum ke gulzar mein sidhi jo hui
phir gaya aankh mein naqsha teri angDai ka

Agha Hajju Sharaf

---

---

tu nahin milti to hum bhi tujh ko milne ke nahin
tafraqa aapas mein ai umr-e-rawan achchha nahin

Agha Hajju Sharaf

---

---