kya bujhaega mere dil ki lagi wo shola-ru
dauDta hai jo laga ke aag pani ke liye

Agha Hajju Sharaf

---

---

KHalwat-sara-e-yar mein pahunchega kya koi
wo band-o-bast hai ki hawa ka guzar nahin

Agha Hajju Sharaf

---

---

kaha jo main ne mere dil ki ek taswir khinchwa do
manga kar rakh diya ek shisha chaknachur pahlu mein

Agha Hajju Sharaf

---

---

kabhi jo yar ko dekha to KHwab mein dekha
meri murad bhi aai to mustaar aai

Agha Hajju Sharaf

---

---

aamad aamad hai tere shahr mein kis wahshi ki
band rahne ki jo takid hai bazaron ko

Agha Hajju Sharaf

---

---

jashn tha aish-o-tarab ki intiha thi main na tha
yar ke pahlu mein KHali meri ja thi main na tha

Agha Hajju Sharaf

---

---

ishq-bazon ki kahin duniya mein shunwai nahin
in gharibon ki qayamat mein samaat ho to ho

Agha Hajju Sharaf

---

---

ishq ho jaega meri dastan-e-ishq se
raat bhar jaga karoge is kahani ke liye

Agha Hajju Sharaf

---

---

hamesha shefta rakhte hain apne husn-e-qudrat ka
KHud us ki ruh ho jate hain jis ka tan banate hain

Agha Hajju Sharaf

---

---