ghiste ghiste panw mein zanjir aadhi rah gai
aadhi chhuTne ki hui tadbir aadhi rah gai

Agha Hajju Sharaf

---

---

duniya jo na main chand nafas ke liye leta
jannat ka ilaqa meri jagir mein aata

Agha Hajju Sharaf

---

---

dukha dete ho tum dil ko to baDh jata hai dil mera
KHushi hota hun aisa main ki hans deta hun riqqat mein

Agha Hajju Sharaf

---

---

do waqt nikalne lagi laila ki sawari
dilchasp hua qais ke rahne se ban aisa

Agha Hajju Sharaf

---

---

dil mein aamad aamad us parda-nashin ki jab suni
dam ko jaldi jaldi main ne jism se bahar kiya

Agha Hajju Sharaf

---

---

dekhne bhi jo wo jate hain kisi ghayal ko
ek namak-dan mein namak pis ke bhar lete hain

Agha Hajju Sharaf

---

---

e-wafa tum ba-wafa main dekhiye hota hai kya
ghaiz mein aane ko tum ho mujh ko pyar aane ko hai

Agha Hajju Sharaf

---

---