Nazm

sham Dhale to
milon phaili KHushbu KHushbu ghas mein raste

aap bhaTakne lagte hain
zulf khule to

mang ka sandal shauq-e-talab mein
aap sulagne lagta hai

sham Dhale to
zulf khule to lafzon! un raston par jugnu ban kar uDna

rah dikhana
din nikle to taza dhup ki chamkili poshak pahan kar

mere sath gali-kuchon mein
lafzon! manzil manzil chalna

hum duniya ko harf o sada ki raushan shaklen
phul se taza ahd aur paiman dikhlaenge

diwaron se gulzaron tak
tanhai ki fasl ugi hai

din nikle to dard-e-rifaqat
hum sab mein taqsim karenge