zindagi ne jhele hain sab azab duniya ke
bas rahe hain aaankhon mein phir bhi KHwab duniya ke
dil bujhe to tariki dur phir nahin hoti
lakh sar pe aa pahunchen aaftab duniya ke
dasht-e-be-niyazi hai aur main hun ab logo
is jagah nahin aate baryab duniya ke
zindagi se guzra hun kitna be-niyazana
sath sath chalte the inqalab duniya ke
hum ne dast-e-duniya par phir bhi ki nahin baiat
jaante the hum tewar hain KHarab duniya ke
Ghazal
Zindagi ne jhele hain sab azab duniya ke
Pirzada Qasim