zaban band rahi dil ka muddaa na kaha
magar nigah ne us anjuman mein kya na kaha
muhit-e-shauq mein hum Dubte ubharte rahe
KHuda gawah kabhi jaur-e-na-KHuda na kaha
sanam-kada hai ki ek mahfil-e-KHuda-wandan
bahut KHafa hua wo but jise KHuda na kaha
hazar KHizr-numa log raston mein mile
hamare dil ne kisi ko bhi rahnuma na kaha
ye kaenat to hai KHair mujh se begana
agar nigah ne teri bhi aashna na kaha
Ghazal
Zaban band rahi dil ka muddaa na kaha
Akhtar Ansari Akbarabadi