yun sada dete hue tere KHayal aate hain
jaise kabe ki khuli chhat pe bilal aate hain
roz hum ashkon se dho aate hain diwar-e-haram
pagDiyan roz farishton ki uchhaal aate hain
hath abhi pichhe bandhe rahte hain chup rahte hain
dekhna ye hai tujhe kitne kamal aate hain
chand suraj meri chaukhaT pe kai sadiyon se
roz likkhe hue chehre pe sawal aate hain
be-hisi muda-dili raqs sharaben naghme
bas isi rah se qaumon pe zawal aate hain
Ghazal
Yun sada dete hue tere KHayal aate hain
Rahat Indori