ye zindagi hai ki aaseb ka safar hai miyan
charagh le ke nikalna baDa hunar hai miyan
pata chale jo mohabbat ka dard le ke chalo
mere makan ki gali kitni muKHtasar hai miyan
nahaengi meri zau mein hazar-ha sadiyan
main wo charagh nahin hun jo raat bhar hai miyan
tumhaari raat pe itna hi tabsira hai bahut
makin andhere mein hain chandni mein ghar hai miyan
likha hai waqt ne sadiyon safar ke baad use
ye daur jhuT sahi phir bhi mo'atabar hai miyan
milegi rakh na tum ko hamare chehre par
badan mein rah ke sulagna baDa hunar hai miyan
ab intizar ki taqat nahin rahi 'qaisar'
kuchh aur roz na socha to sab khanDar hai miyan
Ghazal
Ye zindagi hai ki aaseb ka safar hai miyan
Qaisar-ul-Jafri