ye mera wahm to kuchh aur suna jata hai
ek guman hai ki tera aks dikha jata hai
ek taswir dil-e-hijr-zada mein hai teri
ek taswir koi aur bana jata hai
teri minnat bhi meri jaan baDi ki jati hai
zer-e-lab ek wazifa bhi paDha jata hai
chand ne mujh pe kaman ek tani hoti hai
tir lagta nahin kis or chala jata hai
tu jo aata hai mahakta hun gulabon ki tarah
aur tera KHwab jab aata hai rula jata hai
jaanta hun na talluq na zarurat hai tujhe
tujh ko ye kaun mere pas biTha jata hai
ek jawan us ki gali mein jo gaya mara gaya
ye fasana hai magar kis se suna jata hai
Ghazal
Ye mera wahm to kuchh aur suna jata hai
Ahmad Ata