ye baw kya phiri ki teri laT palaT gai
nagin ki bhant Das ke mera dil ulaT gai
bekal hua hun ab to teri zulf mein sajan
shab hai daraaz nind hamari uchaT gai
nadan tu nin ghair kun kyun darmiyan diya
ulfat teri ki Dor usi manjhe sin kaT gai
mujh bawle ka shor uTha dekh kar ke fauj
baadal ki bhant Dar sin raqiban ki phaT gai
toDi prit hum sin piyare ne 'abru'
lagi to thi ye bel pa aaKHir ukhaT gai
Ghazal
Ye baw kya phiri ki teri laT palaT gai
Abroo Shah Mubarak