wo ja chuke hain magar KHalfashaar baqi hai
jo intizar tha wo intizar baqi hai
bas itni baat mere shahr-e-yar baqi hai
ki nashsha TuT chuka hai KHumar baqi hai
junun ki lamha shigafi se sadiyan phuT paDin
ab un ka ek naya iKHtisar baqi hai
ajab hain khel mohabbat ki be-niyazi ke
ki aag bujh bhi chuki hai sharar baqi hai
hum apna lamha-e-hasti abad bana lae
nae azal ka magar intizar baqi hai
Ghazal
Wo ja chuke hain magar KHalfashaar baqi hai
Karrar noori