EN हिंदी
وہ آ گیا تو سارا پری خانہ جی اٹھا | شیح شیری
wo aa gaya to sara pari-KHana ji uTha

غزل

وہ آ گیا تو سارا پری خانہ جی اٹھا

زبیر رضوی

;

وہ آ گیا تو سارا پری خانہ جی اٹھا
آرائش جمال سے آئینہ جی اٹھا

مجھ تک پہنچ گیا تو بڑی بات جانیے
آواز پا سے جس کی مرا زینہ جی اٹھا

یاران مے کدہ جو کبھی یاد آ گئے
مجھ میں خمار محفل پارینہ جی اٹھا

تھے دیدنی لباسوں میں ترشے ہوئے بدن
اوڑھی جو اس نے شال تو پشمینہ جی اٹھا

چائے کی میز پر گئی شاموں کا ذکر تھا
مجھ میں بھی اک تعلق دیرینہ جی اٹھا