wahi hoti hai rahbar jo tamanna dil mein hoti hai
ba-qadr-e-himmat-e-rah-rau kashish manzil mein hoti hai
mohabbat dil mein hoti hai tamanna dil mein hoti hai
jawani umr ki kitni hasin manzil mein hoti hai
mohabbat ai maaz-allah mohabbat dam nikal jae
agar mahsus bhi utni ho jitni dil mein hoti hai
Thaharne bhi nahin deti hai us mahfil mein betabi
magar taskin bhi ja kar usi mahfil mein hoti hai
mera kya sath denge ghair bahr-e-ishq mein 'bismil'
wo us kashti mein hain jo daman-e-sahil mein hoti hai
Ghazal
Wahi hoti hai rahbar jo tamanna dil mein hoti hai
Bismil Saeedi