wade jhuTe qasmen jhuTi
duniya ki sab baaten jhuTi
khinchi hain jo sachche dil se
wo be-nam lakiren jhuTi
us ki aankhen bol rahi hain
sab KHush-rang shabihen jhuTi
amn ke sare sapne jhuTe
sapnon ki tabiren jhuTi
hum ne jin ko sachcha jaana
niklin wo sab baaten jhuTi
aaj hamein malum hua hai
guzre kal ki yaaden jhuTi
dekho kan na dharna un par
dil ki sab aawazen jhuTi
bas ek pyar ka bandhan sachcha
aur 'baqa' sab rasmen jhuTi
Ghazal
Wade jhuTe qasMein jhuTi
Baqa Baluch