tujhe badnam karne par tuli hai
gali har rah-rau ko Tokti hai
mera qissa magar tujh se tahi se
teri baaton mein kya shaistagi hai
sukut-e-dasht be-KHwabi mein pahron
sada-e-barbat-e-shab gunjti hai
wahin tak hai khanDar ki aaKHiri had
jahan tak chandni phaili hui hai
meri taKHil ke afsurda lab par
wo apne honT rakh kar so gai hai
Ghazal
Tujhe badnam karne par tuli hai
Mazhar Imam