تتلیاں نیند کی پہلے تو اڑائی جائیں
پھر ہمیں خوابوں کی تعبیریں بتائی جائیں
حوصلوں کی لیے پتوار لڑے موجوں سے
کشتیاں ایسی سمندر میں چلائی جائیں
درد نے دل پہ مرے پھر سے لگائی دستک
اس کی راہیں سبھی پھولوں سے سجائی جائیں
لکھ گئے میر تقی میرؔ سخنور غالبؔ
گیت غزلیں وہ زمانہ کو سنائی جائیں
کر دے رسوا جو ہمیں سب کی نظر میں جیوتیؔ
باتیں کہتی ہوں وہ خود سے بھی چھپائی جائیں
غزل
تتلیاں نیند کی پہلے تو اڑائی جائیں
جیوتی آزاد کھتری