teri bazm se jo uTh kar tere jaan-nisar aae
dil o jaan ka sab asasa tere dar pe war aae
tera ishq ban gaya hai meri zist ki masafat
ki main ab jahan bhi jaun teri rahguzar aae
teri yaad aaj aaise dil-e-mubtala mein aai
sar-e-dasht-e-sham jaise shab-e-nau-bahaar aae
gham-e-zindagi main tujh par dil o jaan nisar kar dun
gham-e-arzu mein Dhal kar tu jo ek bar aae
tere ishq ki badaulat koi ranj ho ki rahat
sar-e-zindagi jo aae sabhi yaadgar aae
Ghazal
Teri bazm se jo uTh kar tere jaan-nisar aae
Mubeen Mirza