sukut-e-shar se pighalte hain waqiat bahut
hamare shahr pe bhaari hai aaj raat bahut
duaen mang ke lauTe hain sahilon se log
bisat-e-nur pe zinda hai kaenat bahut
main KHud ko DhunDne nikla to dekhta kya hun
hisar bandh ke chup hain wo hadsat bahut
chala hun aag lagane main ghar ke jangal ko
daraaz ho gae duniya mein is ke hath bahut
Ghazal
Sukut-e-shar se pighalte hain waqiat bahut
Javed Nasir