شجر کے بھیتر چھاتی چڑیا
سمتوں کو دھراتی چڑیا
ننھی نازک کالی رنگت
شجر سفیدہ پاتی چڑیا
گل ہوتی خوشبو کے تن میں
بینائی کو لاتی چڑیا
رات کے لازم اندھیارے میں
سورج کو بہلاتی چڑیا
کالی رنگت نیلی باتیں
آنکھوں کو اجلاتی چڑیا
ہونٹوں کی خوشبو کی جانب
آتی اور شرماتی چڑیا
بہتے پانی کی صورت سے
لوہو کو مہکاتی چڑیا
بارش کے تھمتے آنگن میں
شجر شجر بہہ جاتی چڑیا
غزل
شجر کے بھیتر چھاتی چڑیا
صلاح الدین محمود