sarae chhoD ke wo phir kabhi nahin aaya
chala gaya jo musafir kabhi nahin aaya
har ek shai mere ghar mein usi ke zauq ki hai
jo mere ghar mein ba-zahir kabhi nahin aaya
ye kaun mujh ko adhura bana ke chhoD gaya
palaT ke mera musawwir kabhi nahin aaya
makan hun jis mein koi bhi makin nahin rahta
shajar hun jis pe ki tair kabhi nahin aaya
Ghazal
Sarae chhoD ke wo phir kabhi nahin aaya
Iftikhar Naseem