sar uThaegi agar rasm-e-jafa mere baad
mujh ko DhunDega mera dasht-e-ana mere baad
apni aawaz ki surat mein rahunga zinda
mere parcham ko uDaegi hawa mere baad
apne kuche se chale jaane pe majbur na kar
kis se puchhega koi tera pata mere baad
itni ummid to hai apne pisar se mujh ko
meri turbat pe jalaega diya mere baad
ishq duniya pe inayat kiye jata hai
kis ko karne hain ye sab qarz ada mere baad
phul sahra mein khilae hain 'munawar' main ne
taki mahki rahe kuchh der faza mere baad
Ghazal
Sar uThaegi agar rasm-e-jafa mere baad
Munawwar Hashmi