samundaron ke darmiyan so gae
thake hue jahaz-ran so gae
daricha ek haule haule khul gaya
jab us gali ke sab makan so gae
sulagti dopahar mein sab dukan-dar
khuli hi chhoD kar dukan so gae
phir aaj ek sitara jagta raha
phir aaj sat aasman so gae
hawa chali khule samundaron ke bich
thakan se chur baadban so gae
sahar hui to regzar jag uTha
magar tamam sarban so gae
us aankh ki panah ab nahin nasib
palak palak wo saeban so gae
'jamal' aaKHir aisi aadaten bhi kya
ki ghar mein sham hi se aan so gae
Ghazal
Samundaron ke darmiyan sau gae
Jamal Ehsani