sadiyon philosophy ki chunan aur chunin rahi
lekin KHuda ki baat jahan thi wahin rahi
zor-azmaiyan huin science ki bhi KHub
taqat baDhi kisi ki kisi mein nahin rahi
duniya kabhi na sulh pe mail hui magar
baham hamesha barsar-e-paikar-o-kin rahi
paya agar farogh to sirf un nufus ne
jin ki ki KHizr-e-rah faqat sham-e-din rahi
allah hi ki yaad bahar-haal KHalq mein
wajh-e-sukun-e-KHatir-e-andoh-gin rahi
Ghazal
Sadiyon philosophy ki chunan aur chunin rahi
Akbar Allahabadi