sat suron ka bahta dariya tere nam
har sur mein hai rang-dhanak ka tere nam
jangal jangal uDne wale sab mausam
aur hua hai sabz dupaTTa tere nam
hijr ki sham akeli raat ke KHali dar
subh-e-firaq ka zard ujala tere nam
tere bina jo umr batai bit gai
ab is umr ka baqi hissa tere nam
in shair aaankhon ne jitne rang chune
un ka aks aur mera chehra tere nam
dukh ke gahre nile samundar mein 'KHawar'
us ki aankhen ek jazira tere nam
Ghazal
Sat suron ka bahta dariya tere nam
Ayub Khawar