قوت جور جائے چھن تجھ سے جو تو جفا کرے

قوت جور جائے چھن تجھ سے جو تو جفا کرے
تو بھی ہو بے بس ایک دن ایسا بھی ہو خدا کرے

چھیڑے کوئی جو غم کی بات تیرا بھی جائے دل پہ ہاتھ
سینے میں دھڑکنوں کے ساتھ تیر سا کچھ چبھا کرے

تیرے بھی ہونٹ جائیں سل تو بھی کبھی ہو منفعل
رخ پہ برس کے ابر دل قصۂ دل کہا کرے

آتش شوق ہو نہ کم بڑھتی ہی جائے دم بہ دم
لذت دلبری سے غم تجھ کو بھی آشنا کرے

اول جلول بک گیا تجھ کو ترا یہ دل‌ جلا
رب سے مگر ہے یہ دعا کچھ نہ ترا برا کرے

وقت کی آئے دن کی راڑ زیست کی دم بہ دم لتاڑ
اس پہ غموں کی چھیڑ چھاڑ کوئی نہ کیوں چڑا کرے

وصل کی بر نہ آئے آس کر کے ہزار التماس
ہجر میں ہو جو محو یاس وہ یہ غزل پڑھا کرے