nai basi koi KHabar de de
sachchi jhuTi ki mo'tabar de de
sang barsa de mere aangan mein
rahrawon ko gul-o-samar de de
hai falak tak fasil nar-e-jahim
ai KHuda ab to abr-e-tar de de
kaamyabi mera muqaddar kar
zor ke sath mujh ko zar de de
tabnaki ata ho furqat ko
kasa-e-chashm mein guhar de de
ab faqiri mein koi baat nahin
hashmat-o-jah o karr-o-farr de de
Ghazal
Nai basi koi KHabar de de
Farooq Nazki