mere suKHan pe ek ehsan ab ke sal to kar
tu mujh ko dard ki daulat se mala-mal to kar
dil-e-aziz ko tere supurd kar diya hai
tu dil laga ke zara us ki dekh bhaal to kar
kai dinon se main ek baat kahna chahta hun
tu lab hila to sahi han koi sawal to kar
main ajnabi ki tarah tere pas se guzra
ye kya talluq-e-KHatir hai kuchh KHayal to kar
main chah kar bhi tere sath rah nahin paun
tu mere gham meri majburi par malal to kar
Ghazal
Mere suKHan pe ek ehsan ab ke sal to kar
Shahram Sarmadi