میرے نالے پر نہیں تجھ کو تغافل کے سوا
گل نہیں سنتا کسی کا شور بلبل کے سوا
تم جو کچھ چاہو کرو جور و عتاب و خشم و ناز
کچھ نہیں بنتا ہے عاشق سے تحمل کے سوا
جو سخن رس آشنا ہیں زلف و کاکل کے تری
ان کو مضموں بھی نہیں ملتا ہے سنبل کے سوا
کس طرح مجھ سے جدائی تجھ کو آتی ہے پسند
قافیہ گل کا نہیں ٹھہرے ہے بلبل کے سوا
واسطے موسیٰ کے سرمہ طور کا ہے اے رضاؔ
میں نہ دوں آنکھوں میں خاک پائے دلدل کے سوا
غزل
میرے نالے پر نہیں تجھ کو تغافل کے سوا
رضا عظیم آبادی